Nongpoh: Na ka bynta ban nang pyniar ia ki shnat treikam ka seng, ki nongialam ba kham hakhmat ka Khasi Student Union, hynnin ka sngi Saitjain ki la leit ban pynskhem ia ki nongkitkam ba thymmai ka Umbir Unit kaba don ha Ri Bhoi.
Kitei ki nongialam ka KSU, kiba la leit ban pynskhem ia kitei ki Umbir Unit, ki kynthup naduh Samla Shemphang Lyngdoh Mawphlang, Vice-President KSU, Sengkmie, u Samla Biangbor L. Paliar Organisning Secretary KSU Sengkmie, u Samla Ferdynald K Kharkamni President NKHD lem bad kiwei kiwei.
Ia kitei ki nongkitkam ka Umbir Unit, la pynskhem katkum ka riti trei kam jong ka Seng da u Samla Shemphang Lyngdoh Mawphlang.
Haba ai ia ki kyntien kyntu kynpham sha kitei ki samla, u Samla Shemphang Lyngdoh Mawphlang, u la ong ba ka seng ka ka khot bad wer ia baroh ki para samla ba ki dei ban ia ka jingiatylli kawei kumba long kiwei ki Jaidbynriew.
U la ong ruh ba ka la dei ban por ba ki samla hapoh ka Jaidbynriew, ba ki dei ban iatylli kawei, khnang ban lah iakhun ia ki bor kiba nabar kiba wan ban wan buhai shnong hapoh ka jylla.
Shuh shuh, u la pynpaw ruh ba ka Jaidbynriew Khasi, ka dei kaba duna lada ia nujor bad kiwei bad ka Jaidbynriew bad dei namarkata ka long kaba donkam ban don ia ka jingiatylli hapdeng ki para samla, khnang ba yn lah ban iakhun haba don kino kino ki jingialeh.
Ki nongkitkam jong ka Umbir Unit, ki kynthup ia u Samla Bashem Kharnaior kum u President, u Samla Command Kharmyndai kum u Vice President, u Samla Batiplang Nongbri kum u General Secretary lem bad kiwei ki dkhot ka Executive Committee.
Phi don ban ong eiei?