Ha u Rymphang yn plie ia ka Block Sohiong

Shillong, 9’lyngkot:
Ha u rymphang yn plie noh ia ka C&RD Block ha Sohiong, iathuh u President ka Sohiong Block Congress Committee u bah Phrang Kharpan. U bah Phrang u la pynbna ha Sohiong mynta ka sngi ba ha ka 14 tarik mynta u bnai kan don ka jingialang ki nongialam ha katei ka thaiñ ban pyrkhat ban ia buh tarik ban plie noh ia ka C&RD Block ha u rymphang mynta u snem. Nangta u la ong ba ha utei u juh u bnai yn plie ruh ia ka jingkieng Umiam kaba pyniasoh ia ka shnong Umjajew bad ka shnong Nongpathaw bad ha u juh u bnai yn buh ia u maw nongrim na ka bynta ban shna ia ka Sohiong Complex ha iew Sohiong.