Shillong: Ka Central Bureau of Investigation (CBI), kaba tohkit halor ka jingtah sia lieh, halor ka kam thung nonghikai, kan ai ia ka kaiphod jongka sha ka High Court jong ka Meghalaya, ha U Naiwieng mynta u snem, ong ka khubor.
Ka CBI, ka shimti ia katei ka jingtohkit, katba kum ka hukum jong ka Meghalaya High Court, na ka bynta ban lap ia kito kiba donkti ha ka jingtah sia lieh ia ki marks jong ki nonghikai.
La iathuh ba ki don shiphew tylli ki jaka, ha kaba ki jingthoh eksamin jong ki nonghikai, ki la jah noh bad kitei ki dei kiba ka CBI, ka la dep tohkit bad mynta ka la buh jingeh ia ka CBI, ba kan wad biang ia kito ki kot ki sla kiba la jah, wat la ki don ha ki 8 tylli ki jaka ialeh eksamin, ba ki don tang ki kot ba la shu Xerox.
Na ka liang jong ka CBI, ka la tohkit ia ki heh sorkar halor katei ka kam, ba kynthup ruh ia ka kong Ampareen Lyngdoh myntri barim jong ka tnat pule puthi bad wat ia ki nonghikai ruh kumjuh.
Ki don kumba 100ngut ki nonghikai, ha kaba ki la kam bad ki dei ki bym don bynta eiei, ha kaba shah tah sia lieh, hynrei ka CBI kam pat thikna satia bad kam pat mynjur ban weng noh ia kitei ki kyrteng ruh, na ka bynta ba kin lait na ka jing shah tohkit lane ba kin ioh ban shimti noh ia la ka jong ka kam hikai.