Naduh U Kyllalyngkot jong u snem 2021, ka sorkar India, kan ai noh ia ka jinglong nong shong shnong jong ki poiwir Hindu, kiba wan na Bangladesh, ong U Kailash Vijayavargiya, General Secretary jong ka seng BJP.
Haba kren sha ki kotkhubor, hynnin ka sngi, U Vijayvargiya, u iathuh ba kito ki poiwir kiba na Bangladesh, kin ioh noh ia ka hok jinglong nongshong shnong jongki. Kito kiba la phet na Bangladesh, Pakistan bad Afghanistan, kiba la wan phet rieh sha India, na ka daw jong ka jingshah pyndik halor ka nongrim jong ka niam, kin sa ioh ia ka hok jinglong nongshong shnong, ula ong.
Phi don ban ong eiei?