Ha u iaiong ka Mawshynrut Civil Sub Division

Shillong, 15 Rymphang:
Hadien ba la plie ia ka Pynursla Civil Sub Division, la iathuh ba ia ka Mawshynrut Civil Sub-Division pat yn plie paidbah ha u bnai iaiong mynta u snem, u MLA ka HSPDP na Mawshynrut u bah Witting Mawsor u la pyntip sha une u nongthohkhubor ba mynta ka sngi u myntri rangbah ka jylla u Dr.Mukul Sangma u la iathuh ba yn plie noh ha u bnai iaiong namarba mynta u dang bunkam palat bad ha kine ki khyndiat kan don shuh shuh ka jingplie sa ha ri lum Garo. “U Dr.Mukul u la phone dalade hi ia nga mynta bad u ong ba yn plie noh ia ka Civil Sub-Division ha u bnai iaiong” ong u bah Witting Mawsor haba kren da ka phone sha une u Rupang.