Ha u bnai ban wan, yn sdang ka phutbol hapoh 12 snem

Shillong: Ka ophis u District Sports Officer ( DSO), East Khasi Hills kan pynlong ia ka lympung ialehkai ki heprit shynrang bad kynthei ka Chief Minister Block & District Level Under- 12 Years Football Tournament 2019 ha u Lber ban wan.
Ia kane ka lympung yn pynlong ha baroh phra tylli ki block kiba hap hapoh katei ka district kiba kynthup ia ka Mawkynrew, Mawryngkneng, Pynursla, Mawsynram, Shella Bholaganj, Mawphlang, Mylliem bad Khatarshnong Block.
Ha Mawkynrew Block yn pynlong ha ka 7 haduh 9 tarik u Lber, Mawryngkneng Block yn pynlong ha ka 13 haduh 15 tarik, Pynursla Block yn pynlong ha ka 18 haduh 20 tarik, Mawsynram ha ka 20 haduh 22 tarik, Shella Bholaganj Block yn pynlong ha ka 21 haduh 23 tarik, Mawphlang Block yn pynlong ha ka 25 haduh 27 tarik, Mylliem ha ka 28 haduh 30 tarik bad ha Khatarshnong Block yn pynlong ha ka 28 haduh 30 tarik u Lber.