Ha thanad ka longkmie bad ki khun

Shillong,7 Lber:
Ka kong Testiphul Paliar kaba la shah kem ha ki pulit naduh u nailur jong u snem uba

la dep hadien ba ka la mih ka jingkynnoh ba ka la pyn huri hura ha ka shnong Dum shohkshoin, bad ba ka shnong ka la beh shnong ia ka haduh mynta kam pat ioh leit phai sha shnong lajong. Ka la shah set haduh 45 sngi ha pha tok hynrei haduh myngta la leit rah ia ka sha ing bishar dang tang shi sien. La ong ba ka daw ba katei ka longkmie kam lah shuh ban leit phai sha la shnong namarba u Secretary shnong u la ong ba ka shnong ka ieng beit ha ka rai ba ka la shim myn shuwa ban beh shnong ia ka.
Ha ka 6 tarik mynta u bnai ka kong Paliar ka la leit sha ki pulit ka Nong stoin PS ban pan jingiarap na ka bynta ban ujor, hynrei ki pulit ha ka jaka ban iarap ia ka ki la hukum pynban ia ka ba ka dei ban leit sha u Syiem. Katei ka longkmie ka don ka jingsngew tmang ban ia don ryngkat bad ki khun lem bad ka kmie jong ka hynrei kam shym la ioh lad ban ia shong ia sah ryngkat.
Hynrei kham hadien dei hadien ba ka CSWO ka la wan ban tuklar ia katei ka kam da kaba phah jingthoh chairperson ka CWC jong ka jylla ba ki pulit ki bthah ia ki bahaing ha sem ka kong Paliar ba kin wanrah ia ki khun ki kti jong ka sha thanad bad haduh mynta ka kong Paliar ka pynlut por ha thanad ryngkat ki khun jong ka.