Shillong: U Conrad K Sangma, myntri rangbah ka Meghalaya, ha ryngkat bad U Himanta Biswa Sarma, myntri rangbah ka Assam, ki la leit jngoh mynta ka sngi ia ka Langpih, ban peit halor ka jing iadei bad u pud u sam ha katei ka jaka.
Haba kren sha ki kotkhubor, U Conrad K Sangma, u ong ba kane ka dei ka jingjia, ka ban sah kynmaw. “Ka dei ka jingjia, ka ban sah kynmaw, ba ki arngut ki myntri rangbah, ki la leit jngoh, ia ki jaka bapher ha Langpih bad iakren bad ki paidbah ruh” ong U Sangma. U Sangma, u ong ba kane ka la dei lypa, ka sien jam, kaba ai jingkyrmen shibun, kaba wan rah ia ka jing sngew paralok bad ka jing shim jing kitkhlieh jong ki paidbah na ki ar jylla, ban iakren halor u pud u sam.
La ong shuh shuh ba ki regional committee, kin ai noh ia ki kaiphod jongki, ha ka 30tarik Naiwieng 2021 bad hadien kata, ki myntri rangbah jong ki ar jylla, kin iakren bad ki riew paidbah jong ki ar tylli ki jylla bad hadien kata, ki sorkar jong ki ar jylla, kin sa shim ia ka rai kaba kut, halor ka jing iadei bad ki hynriew tylli ki jaka jong ka jing ia kynad. La khmih lynti, ba yn pyndep, ia ka jing iakren baroh ha shwa ka 31tarik Nohprah, 2021.
Ha ka jing ialang, la don lang ki dkhot jong ki regional committees na Assam, Meghalaya.
Phi don ban ong eiei?