Ha shrip pulit, ngat u Jnt.Director Agriculture ba bam tyngka

Shillong,28 Nailar:
Ka jingpynap shrip ki pulit ia u Joint Director, Mechanical, ka Directorate of Agriculture u Bah Ropsil Lamare ka la sei soh ha kaba ki la ioh kem ia u ha ryngkat ki sakhi satar ba biang ha ka por ba u dang pdiang ia ka pisa ba u la dawa kaba T.1 lak tyngka na kiba u la dawa na ka bynta ka jingpyntrei da ka kor puh shilum.
Ka khubor na ki pulit ka la iathuh ba u bah Lamare u la ju dawa pisa T.5000 hajar tyngka na ka bynta kawei ka kor puh shilum kaba la la pyniaid da ka M/S Horizon Marketing Tura bad utei u Bah Lamare u la dawa T.1 lak tyngka bad sa T.2 lak pat kaba yn pynpoi ia ha ka sngi nyngkong ka ban wan.
Hynrei shuwa ba un ioh ia katei ka T.2 lak tyngka ha ka sngi nyngkong u la ngat noh pynban ha ka shrip ba la pynap da ki pulit kiba la kem ruh ia u bad la pynngat ia u hapoh ka kyndon ain Prevention of Corruption Act 1988.