Ha ruh nar ki pulit, ngat u samla na Umsning ba shah kynnoh lute trok ICAR

Nongpoh: U Shemborlang Ryntathiang na Umsning, u la shah kem noh ha ki pulit Ri Bhoi, halor ka jingshah kynnoh, ba u la donkti ha ki kam lute na ki trok kiba iaid lyngba ka surok Shillong by-pass.

Haba pyntip halor katei ka jingiohkem ia utei u samla, ki la pulit ki la iathuh ba ki la ioh jingtip ba la don ka kawei Maruti Car kaba khlem number, ha kaba ki briew kiba shong ha katei ka trok, ki la pyrshang ban lute ia kawei ka trok ha ICAR, ha kaba la kynnoh ba kitei kiba la shah kynnoh nonglute, ki la thmu ban pynpait jubor ia ka iit ba hakhmat jong kawei ka trok, khnang ba kin ioh ba lute na kiba shong hapoh katei ka trok. Tang mar ia tip halor katei ka jingjia, ki pulit ki la leit mar mar ha katei ka jaka bad ha kaba kum katei ka por, ki la lap ia uwei u samla bad uba la pyrshang ban phet krad tang mar ia iohi pulit, hynrei ha ka jingbehthong ki la iohkem noh ia utei u samla bad ia katei ka kali maruti car kaba khlem number. Na katei ka kali kaba la pyndonkam ha ki kam lute surokbah, ki Pulit ki la ioh ban kurup ia ki tiar pynmynsaw, kiba kynthup kurup ka tari bad u Tyrnem, ia kaba la suba jur ba u pyndonkam ha katei ka kam lute trok, ki pulit ki la ioh kurup ruh ia kawei ka mobile ba shutuh.

Halor katei ka jingjia bad ioh ban kem ia utei u samla, ki pulit ki la ujor da ka ejahar bad kin pynlong ia ka jingtohkit kaba bniah, khnang ban lap shuh shuh ia kiwei kiba donkti lang ha katei ka kam lute surok bah.