Nongpoh: Ka kynhun ki nongialam shnong na ka Jaidbynriew Garo hapoh ka shatri jong ka All Ri Bhoi Garo Headman Association, mynta ka sngi ki la pynlong ia ka jingialang paidbah ha shnong Rangsakona, Byrnihat, kaba long kum shibynta ban pyrshah jur ia ka hukum ba dang shu pynmih shen da ka Hima Mylliem bad KHADC, kiba la phah jingthoh sha ophis u Deputy Commissioner ka Ri Bhoi, ba um dei shuh ban pdiang ia ki No Objection Certificate ne ki Dulir jaka, kaba pynshisha da ki Rangbah Shnong Garo.
Ha katei ka jingialang, la jan baroh ki nongialam shnong Garo na ki 56 tylli ki shnong Garo, ki la wan ban iashimbynta bad kiba la shim ia ka rai ban kin pyrshah beit ia katei ka hukum ka Hima Mylliem bad KHADC ban sloit bor noh ia ki Rangbah Shnong Garo.
Ki nongialam jong katei ka kynhun, kiba kynthup ia u Nickel R. Marak, adviser bad u John R Marak, ki la pynpaw ba lyngba katei ka jingialang, ki la shim ia ka rai ban dawa jur na ka Hima Mylliem ba ka dei weng noh ia katei ka hukum, hynrei ki dei ban ithuh ia ki Sanad jong ki rangbah shnong Garo, la ka long ia ki NOC ne wat ia ki Dulir jaka.
Na ka liang jong kitei ki nongialam, ki la pynpaw ba shen ki la phah dorkhas sha KHADC, Hima Mylliem bad sha u Syiem ka Raid Marwet, ban dawa pynkup bor biang ia ki Rangbah shnong Garo, kumba la ju long ha kine ki snem kiba la leit noh baroh, ha kaba ki la ong ruh ba kin sa pynlong ia ka jingiakhih kaba jur, lada katei ka jingdawa kam urlong, khnang ba kan long ka jingmyntoi na bynta ki paid Garo kiba don ha Ri Bhoi bad ha ka jylla, ki la bynrap.
bakla Naduh ba Sdang ba ailad mynta mih sa kine ki huru hura..Hooid um don hok u garo ban long rangbah shnong namar u khasi um lah long nokma te une u dei tang u poiei bad u dei ban burom iaka riti dustur u khasi….um dei shuh ban ailad ia kine ioh pan bor sa ki hajong,Bodo bad ter2
ki garo ki don la ka jong kI ACD, liet ia khih sa ki ACD jong ki um ka jong ki khasi namar dei ha kum kine ki jiat ba sa ioh u khasi bad jaintia tang 40% bad