Ha Radio “Pynshlur U James Sangma, ia ki samla, ban shim bynta politics”

Shillong:Ka 91.1 Mirchi, kawei na ki radio station ba pawnam jong ka Ri India, ka rakhe ia ka jingdap 4 snem jong ka jingwan iuhkjat jong ka ha Shillong. Naduh ba ka sdang ha u snem 2017, katei ka radio station, ka lah wanrah ia shibun ki jing pynbyrngia bad kum juh ruh ki khubor na ka bynta ki paidbah jong ka Shillong. Ka lah ialeh ruh ban pynpaw ia ki jing donkam jong ka imlang sahlang bad ki lad jingiada ia ka mariang.

Ha ka jing rakhe jong ka jingdap 4 snem, U James Sangma, myntri ka sorkar Jylla, uba dei peit ia ka tnat pathai khubor, u la leit jngoh ia ka 91.1 Mirchi bad u lah kren ruh on air, kum u RJ Jamie. Ka la don ruh ka jingiathuhkhana lyngkot hapdeng jong u bad u Mirchi RJ Nicky J, ha kaba u la kren shaphang ka jingiaid lynti jong u ha ka jingim jong u bad u la kyntu ruh ia ki samla ba kin ia mih khmat ban ia shim bynta ha ka politics.