Shillong, 25 Nailur:
Hynnin ka sngi shi kynhun ki MDC ka Congress, kiba kwah ban pynneh ia u Bah Thombor Shiwat kum u CEM ka JHADC, ki la iashong jingialang ha Pongtung Guest House kaba don harum Pynursla ban nym ailad ia u Bah Andrew Shullai ban jop ha ka jingiatynjuh bor ha ka dorbar, ka ban long ha ka 27 tarik mynta u bnai.
Kat kum ka khubor, ba la iohlum la iathuh ba kine ki MDC kumba san ne hynriew ngut na Jaintia Hills, ki la iakynduh sop sop bad u Bah Prestone Tynsong, u Bah Sniawbhalang Dhar ban thaw lad kumno ban pynkhyllem ia u Bah Andrew Shullai ban pynneh ia u Bah Thombor Shiwat uba shah pynhiar shuki da ka hukum ka MPCC. La iathuh ba kine ki MDC, ki la don ha katei ka Guest House la ar sngi eiei.