Shillong 29 K’Lyngkot: U Bah Stodingstar Thabah kyrtong ka seng Hills State People Democratic Party (HSPDP) na 22-Nongspung Sohiong konstitwensi ula ong, ba ha konstitwensi baroh ki kyrtong ki dei lut ki snar hynrei watla u hap ban iakhun ia ki snar, u don pat ka jingkyrmen ba ha kane ka ilekshon MDC mynta unjop namar ki paidbah ka Sohiong ki la stad ban jied ia ki nongmihkhmat shuh ha kipor ba la dep ba ki shu ia leh shongshit.
Ia kane u bah Stodingstar Thabah ula pynpaw haba iakren bad ki lad pathai khubor mynta ka sngi balanc ka 29 tarik Kyllalyngkot 2025, hadien ba ula dep ban thep kyrteng ialade ban ia aireng ha kane ka ilekshon MDC ha District Council.
Ula ong ruh ba ka thong jongu ynda la jop ha kane ka ilekshon kalong ban peit ha ka ba iadei bad ka It ka Hima ha Nongspung-Sohiong konstitwensi, namar kumba kalong mynta ka jingsynshar ia ki Hima kadon shibun ki kynrum kynram bad kam pat long ka ba biang namar kam pat don ia ki aiñ ki biang.
Ha kajuh kapor ruh u la ong, ba lada jop ha kane ka kynti ba mynta, un thaw lad thaw lynti kumno ban khmih bniah katkum ba la buh da u myn barim.
Ula iathuh ruh ba ha Nongspung-Sohiong mynta ka ilekshon kalong ka ba pher haba ia nujor bad kiwei kiwei de ki snem namar kum u kyrtong haba leit ban kynbas u sngewthuh, ba ki la stad ban jied ia u MDC ban phah District Council bad ki paidbah ka konstitwensi mynta ki long laitluit ban jied ia u nongmihkhmat namar ki la stad bad shemphang.
Kumta u bah Stodingstar Thabah u don ka jingkyrmen ba mynta ka kynti unjop ia kane ka ilekshon.
Phi don ban ong eiei?