Ha Nongpoh, pyllait paidbah ka FKJGP, ïa ka kali kit nongpang

Nongpoh:Ki nongïalam ka FKJGP ha Ri Bhoi, mynhynnin ka sngi ki la ïoh ban pynlait ïa kawei ka kali kit nongpang (Ambulance), na ka bynta ban ai jingsha kri ïa ki paidbah ka them Ri Bhoi ha kaba ïadei bad ka pang ka shitom.

Ïa katei ka Ambulance la wan ban pynlait paidbah da u Bah Eldie Newton Lyngdoh General Secretary ka FKJGP seng kmie, ha ka jingdon lang u Bah Elton Cliff Warjri Vice Presi dent ka sengkmie, u Bah Luistar Lyngdoh President ka North Khasi Hills District, Bah Lumlang Mawnai Senior Vice President, Bah Shanlang Diengdoh Secretary lem bad kiwei kiwei.

Haba ïadei bad katei ka Ambulance, ki nongïalam ka FKJGP, ki la ong ba ki la ïaleh shitom ban, ka long ban ai ka shakri ha ka dong ka thain Ri Bhoi dei hadien ka jingud jingnam jong kiba bun ki paidbah khamtam ki longiing ba duk ba rangli namar ka jingjynjar bad duna ki Ambulance ban kit ïa ki nongpang, bad dei haka jingïalam u Bah Luistar Lyngdoh kum u President bad ka jingkyrshan lang ki dkhot la lah ban sei ïa katei ka Ambulance bad kum ka seng ka dang don ruh ka jingangnud ban sei sa kawei ka Kali kit met ïap.