Ha Meghalaya, ki duna eh kiba don Aadhaar

Shillong,8 Lber:
Kane ka dei ka shi bynta na ka jingthoh kaba la shim na ka kot lyngkdop ba la thoh da u Pastor PBM Basaiawmoit halor u Aadhar Nombar. Kat kum katei ka kot, U Pastor u la thoh ba na ka jingdon briew kaba 29,64,007 ngut ha kane ka jylla Meghalaya, kata katkum ka khana sumari jong ka snem 2011, ha Meghalaya dang don tang 33,393 ngut kiba la don Aadhaar lane dang tang 1.13% ki nongshong shnong; bud sa ka Assam tang 1.53%, Mizoram 34.08%, Arunachal Pradesh 35.33%, Nagaland 47.08%,Jammu & Kashmir 47.09%, Manipur 49.11% katba ha India baroh kawei, ki don 74.52% kiba la don Aadhaar. Lait noh ka jylla Tripura 93.64% kiba bun ki jylla jong ka thaiñ Lam Mihngi ka ri India bad ka Jamu & Kashmir ki dang duna bha kiba don Aadhar. Hynrei duna eh ha Meghalaya bad Assam, kane ka jingkheiñ ka long haduh u nailar, 2015.
U Aadhar uba bha ne uba sniew? Haba peit katkum ka jingkhein briew, I kumba sahdien duh ki nong Meghalaya halor ka jingdon Aadhar number bad Aadhaar Card. Hynrei katkum ka rai ba shiteng samoi ka kashari ba ha khliehduh ka long mar khongpong, kaei ka daw? To, ngin ieh shwa ia kata.Ngin poi sha kawei pat ka bynta. (Kiwei pat ki bynta lah ban ioh na ka kot ba la pyllait paidbah mynta ka sngi ‘U Aadhaar Number bad ka Aadhaar Card’.
Ter ter haba pule ia katei ka kot ha ka jing pynkut u Pastor Basa iawmoit, u la ong “Ia mynta uta u Aadhaar um pat long ba uwei pa uwei, u dei ban don; hynrei ka jingialeh ka dang don ha ing kashari la ka sorkar pdeng ka kwah ban pynlong kam. Ngi khmih lynti ba ka sorkar jylla hangne kan burom ia ka rai ba shiteng samoi ka Supreme Court bad kan ai jingpynbna paidbah ba ym don jingpynbor ia u Aadhaar Number, hynrei ka shong ha ka mon ba laitluid jong u briew.Ngin pyndem niuhmat ne ngin pyn-eh la ka rngiew bad iasaid la ka hok”? Pynkut ka jingthoh ha katei ka kot lyngkdop.