Ha Mawdiangdiang, yn tei ia ka iing dorbar thymmai

Shillong, 15 Naitung:
Ka Assembly Secretariat ka dang ap ia ka jingai jaka ka sorkar ban tei ia ka iing ha Mawdiang diang.
Hadien ba la wad jaka kylleng ban shna ia ka iing dorbar, ka sorkar ka la rai ban shna beit ha Mawdiandiang.
Ka thymmei khubor ka iathuh ba ka Assembly Secretariat ka dang ap ia ka jingaiti ka sorkar ia ka jaka na ka bynta ban shna noh ia ka iing dorbar kaba la slem bah ka la sah khongreng.
Ka High Power Committee ka Assembly kham mynshwa, ka la rai ban shna ia ka iing dorbar ha Mawdiangdiang ha sor Shillong thymmai kaba jngai 14 km na nongbah ba mynta.
Ka Committee ka la ai jingmut ba ia ka iing dorbar thawain thymmai dei ban shna hajan ka ophis ka Home Guards bad ka Civil Defence ha Mawdiangdiang lane hajan ba kham jan.
Ka thymmei khubor ka iathuh ba ka Assembly Secretariat ka la pan jaka ha ka jingheh kaba 50 haduh 90 akar na ka bynta ban tei ia ka iing dorbar.
Mar ia ioh ia ka jaka, ka sorkar jylla kan leit ban tied jingkhang na ka sorkar pdeng ba ai pisa ban shna ia ka iing dorbar.
Ka jingthmu ban rah ia ka iing dorbar sha katei ka jaka ka long ban pynkylluid ia ka sor kaba la khapngiah palat.
U Lamphang ka iing dorbar u la leit jngoh bun jaka ban shna ia ka iing durbar hynrei khadduh la sngew dei ban leit shna sha Mawdiangdiang ban lait na ka jingkhapngiah.
Ka jylla Meghalaya ka la shong dorbar khlem iing dorbar la 13 snem hadien ba ka iing dorbar kaba rim ka la shah bam ha ka ding ha u snem 2001. Mynta la pynlong ia ka dorbar ha iing ba shi por ha Rilbong.