Ka sorkar Maharashtra, mynta ka sngi, ka la pynbna, ba ka jing pakhang shnong ha katei ka Jylla, kan bteng haduh ka 31tarik Naitung 2020 bad katei kan trei kam ha baroh kawei ka Jylla.
Ka sorkar jylla, ka ai bor ia ki district collector bad ki municipal commissioner, ba kin buh kyndon na bynta ban pyllait iew, ia kiwei pat ki mar, ki bym da donkam eh. La bthah ruh ba ka iaid ka ieng bad ka leit ka wan, kan long beit tang ha ki jaka ba marjan. Ka jingdon kiba pang covid 19 ha katei ka Jylla, ka la poi sha ka 1.64 lak haduh mynta ka sngi bad ka dei ka jylla, kaba jur tam kiba ioh pang khlam ha ka ri hi baroh kawei.
La iathuh ba ki don sa 77ngut ki pulit jong ka Jylla Maharashtra, kiba ioh pang covid 19, ha ki 24 kynta ba ladep bad baroh ki pulit, kiba ioh pang, ki la poi sha ka 4,743 ngut bad sa 59 ngut kiba iap.
Phi don ban ong eiei?