Nongpoh: Ka District Level Inter School Football Tournament (Subroto Mukherjee Cup) 2019 ha Ri-Bhoi District, ia kaba la pynlong ha ki ar-tylli ki madan ialehkai kata ha Umsaitsning bad Umran Niangbynai, ka la poi artad sha kaba kut noh, ha kaba baroh ki kynhun kiba la poi sha ka thup jong ka phainal, kin sa iakhun kawei ia kawei pat ha ka 17 tarik mynta u bnai ha Madan Umsaitsning bad kaba sa sdang naduh ka por 10 baje mynstep.
Haba phai sha ka Semi-final kaba hynnin ka sngi, ha ka U-17 ki kynthei la jop da ka St. Micheal HSS, hadien ba ka la pynliem noh ia ka Mynken HSS ha ka Tie Breaker da 3-1, katba kat Sati Raja Memorial SS ka la pynliem noh ia ka Plielad SS da 3-1 bad pynthikna ialade ban rung sha ka thup ka Final.
Ha ka U-14 ki khynnah shynrang, ka Mynken HSS ka la shah rem noh hakhmat ka Evershine UPS da 1-2 bad ka Khlieh Umstem SS ka la pynliem noh ia ka Khrumdiengiei HSS da 9-0 score. Katba ha ka U-17 ki khynnah shynrang ka Pratlynti SS ka la lah ban pynliem noh ia ka Nongpoh Nepali SS da 5-0 score bad ka Mynken HSS ka la pynlie noh ia ka Khlieh Umstem SS da 3-2.
Kumta kitei ki kynhun kiba la poi sha ka thung jong ka Final, ki sa mih ban aireng pyrshah kawei ia kawei pat na ka bynta ban khur ia ka namjop bad khamtam eh ban ioh mihkhmat na ka Distrik sha ka State Level ka ban sa long ha Nongbah Shillong.
Phi don ban ong eiei?