|
DAYOOMONMI BAREH
Shiliangmyntang WJH)
1. Bunsien ha jingim ngim lait na kane,
Ha ki rong pyrthei ngi shah pynthame;
Nam burom bad jingstad ngi ang ban ïoh,
Ngi kup jingsarong ïa kiwei ngi ñiew-poh.
2. Ha ka Ym don u barit u bakhraw,
Ha la ki kyrdan ka mih bad ka paw;
Ban pynkup h’u briew da ka jingsngewmeng,
Haduh ba um sngewthuh ka raiñ bad ka rem.
3. To kyndit bynriew kat dang biang ka por,
Ba ngin nym liat ha ka jingshah shukor;
Khamtam ha ki sngi ba ngi im mynta,
Kat sha ba ngi phai tang ki jingsniew suda.
4. Tang ïa Me Ah Blei ngi khot ngi kyrpad,
Sa shisien jingieit jong Me ai ngin mad;
Ïa ka Ri jong ngi to pyllait Ah Trai,
Na ki bor ka pyrthei ba pyntlot pynswai.
|