Shillong: Ka Khasi Students Union (KSU) Wahthapbru Unit ha ryngkat jingïatreilang bad ka Seng Samla Shnong Wahthapbru, hynnin ka miet jong ka19tarik, Jylliew 2021 ha ka por 12.30 shiteng synñia ka lah ïoh ban kem na Motphran ïa ki bar jylla bad kawei ka truck ba kit ïa ki mar scrap kaba don ïa u number AS 01 DD 2199.
Hadien ba la kem ïa kitei ki bar jylla bad ïa katei ka truck, kumta na ka liang ka KSU ha ryngkat ka seng Samla Shnong Wahthapbru ka lah ioh ban aiti noh sha ki bor jongka aiñ ban pynshitom tyngeh katkum ki kyndon aiñ kiba iadei ban bad ka jingpynkheiñ ia ka ïa ka jing pynjari jong ka sorkar ïa Curfew miet, bad khamtam ka jingbuh jingma jong kitei ki briew ïa ki paidbah nong shong shnong ha kaba iadei bad ka Khlam COVID-19 namar ba ki dei kiba wan na shabar jong ka Jylla Meghalaya.
Kumta, halor katei ka jingioh rung lait lan ki bar jylla shapoh ki shnong, wat ha kum kine ki por, ba ka sorkar ka pynjari ïa ka Curfew khnang ban teh lakam ïa ka khlam COVID-19, na ka liang ka KSU bad ka Seng Samla Shnong Wahthapbru ka dap ïa ka jingsngewkhia kaba khraw bad bad ka pynpaw ruh ia ka jing pynrem jur ïa ki bor jongka aiñ kiba trei matlah lada dei ïa ki bar jylla katba ki muja ban ñion beiñ tang lada dei ïa ki Khasi trai Ri trai muluk. Shuh shuh la pynpaw ba lada ki bor jongka aiñ kim adkar bha nangne shakhmat ïa ki bar jylla, kane ka long thik kumba ki buh ha ka jiingma kaba khraw ïa ka ïap ka Ïm ki paidbah nong shong shnong ka Jylla hi baroh kawei.
Phi don ban ong eiei?