Ha ki 4 jaka, yn rakhe ia ka jingdap ba 31 snem ka Ri Bhoi

Nongpoh:Ki nongïalam ka Ri-Bhoi Dorbar ki la pyntip ba ka jingrakhe ia ka jingdap ba 31 snem ka Ri-Bhoi District, yn sa rakhe ha ka 5 tarik mynta mynta u Bnai, namar ha ka 4 tarik kaba dei ka sngi ba la ju rakhe ia ka sngi jong ka Ri Bhoi, ka dei noh ka sngi u Blei.

Ki la pyntip ba ka jingrakhe ia ka Ri Bhoi Day kaba mynta u snem, kan long ha baroh 4 tylli ki Block jong ka Ri-Bhoi ba kynthup ïaka Bhoirymbong Block, ka Umsning Block, ka Umling Block bad ka Jirang Block, ha katei ka sngi nalor ka jingrakhe ia ka Ri Bhoi Day, yn sa don ruh ka jingrakhe ia ka World Environment Day.

Haba kren sha ki lad pathaikhubor, ki nongialam ka Ri Bhoi Dorbar, lyngba u Bah GS Shadap Secretary ka Ri-Bhoi Dorbar, ha ryngkat ka jingdon u Bah RR Makdoh Adviser, Bah RB Shadap President, Bah Ploster Syiem Vice President, Bah Nicky Kharthangmaw, ki khor ki wer ia ki paidbah na ki jaka bapher bapher hapoh ka Distrik, ba ki leit iashimbynta ia katei ka sngi ha la ki jong ki C&RD Block ba ki hap.