Ha ki 3 snem tam, la jan 300 klur pynioh skim pynroi u MLA Jirang, ong u MR

Nongpoh: Ha ka sngi kaba u Conrad K. Sangma, Myntri Rangbah ka sorkar jylla u hiar sha ka shnong Mawsmai, na ka bynta ban leit plie ia ka skim sam umbam ia ki lai shnong kiba don ha katei ka thain, u la pynpaw ia ki kyntien ba u la iaroh eh ia u Bah Sosthenes Sohtun, MLA Jirang, da kaba u ong ba u dei uwei na ki nongmihkhmat paidbah uba tbit eh ban wanrah ia ki shim pynroi ha la ka jong ka Konstitwensi kaba u mihkhmat.

Haba iaroh halor ka jinglah u Bah Sosthenes Sohtun ban pynpoi ia kita ki skim pynroi hapoh ka Konstitwensi, u Conrad K. Sangma, u la ong ba tang ha kine ki lai snem tam, u Bah Sosthenes Sohtun, u la lah ban pynioh kumba T. 250 haduh T. 300 ki skim pynroi sha kiba bun ki jaka hapoh ka Jirang Constituency.

U Conrad K. Sangma, u la ong ruh ba u Bah Sosthenes Sohtun, u dei uwei na ki MLA hapoh ka jylla, uba don shisha ia kata ka jingthmu ban wanrah ia ka roi ka par hapoh ka Constituency bad ia kata la lap ba u MLA Jirang, u shait leit kynduh ia u Myntri Rangbah manla ka por bad kata kan ka long ba iai pynbor ia u ba u dei ban u dei ban pynpoi ia ki shim pynroi hapoh ka Jirang Constituency.