Shillong: Mynta ka sngi, ka nongbah Shillong, ka don ha ka jingshit kyrang bad haba peit na ka jingai jingkhein jong ka tnat peit mariang jong ka sorkar India, ka India Meteorological Department (IMD), ka pyni ba ka jingshit ha Shillong, kaba shit eh, ka long 29.1 degree celsius, kaba khriat eh, ka long 18.3 degree celsius; ha Sohra, kaba shit eh, ka long 26.9 bad kaba khriat eh, ka long 18.0 degree celsius; ha Umiam, kaba shit eh, ka long 33.2 bad kaba khriat eh, ka long 17.4 degree celsius.
Ka tnat peit mariang, ka pyntip, ba ha ki 24 kynta, ki ban wan, kan don ka jinghap slap, kaba malu ne kaba kham jur, ha kiba bun ki bynta jong ka nongbah Shillong bad ki jaka ba marjan bad ka jingshit kan duna, kumba 2 haduh 3 degree celsius, na kaba ju long. Ym tang katta, ha baroh kawei ka jylla, la pyntip, ba kan don ka jingkhie eriong bad tied pyrthat, ha kaba ka jingstet jong ka lyer, kan long hapdeng 40 haduh 50 kilometre ha ka shi kynta.
Mynta ka sngi, ka nongbah Shillong, ka tyrkhong bha ka mariang, ha kaba mynstep, ka jingsngew jong ka khyndew, ka long 39 degree, janmiet pat ka long 31 degree.
Phi don ban ong eiei?