Nongpoh: Ki Pulit ka Nongbah Guwahati, hynnin ka step ia kawei ka Metiap jong ka riew kynthei, kaba la shah pyniap da kaba ot lyngkhot lyngkhai bad hadien kata pat la thep ha pla plastik.
Ka tyllong khubor, ka iathuh ba katei ka Metiap la lap na kawei ka Nala kaba don ha Khanapara bad kaba la hap ha ka liang ka Assam, ha kaba ki riew runar kiba la pyniap ia katei ka kynthei da kaba ot lyngkhot lyngkhai, ki sa thep pat ha pla plastik, hadien kata pat ki sa leit ban bret ha katei ka jaka.
Ia katei ka Metiap, la leit ban shimti noh da ki Pulit ka jylla Assam, ka jingtohkit ban lap ia kiba donkti halor katei ka kam pyntrei ka dang iai shakhmat bad kumjuh ruh ka jingtohkit ban ithuh ia katei ka kynthei kaba la shah pyniap.
Phi don ban ong eiei?