Shillong: U Bah SP Lyngdoh u ba dei u General Secretary jong ka Youtuber Association Meghalaya u la ong ba ka seng kan ai por 48 kynta ia ka sorkar Meghalaya ban pyllait biang ia ka ‘INTERNET’ lym kumta ka Youtuber Association kan leit ujor sha ka Ingbishar (High Court) ka jylla pyrshah ia ka sorkar Meghalaya ba lam khmat da u myntri rangbah ka jylla u Conrad K Sangma.
Haba kren bad u Rupang, u SP Lyngdoh u la ong ba ka seng ka pyrshah jur ia ka jing leh ka sorkar Meghalaya ban pynduh ia ka ‘internet’ lada don jing klumar hapoh Shillong.
“Hato baroh ki ba pyndonkam internet ki dei ki nong pynklumar shnong ne ki nong saphriang khubor lamler?, lada dei kumta te balei pat ka sorkar kam kem lut ia baroh ki ba pyndonkam ‘internet’” u la bynrap.
Nalor kane u SP Lyngdoh u la ong ba lada ka sorkar Meghalaya kam lah ban pyllait biang ia ka ‘internet’ ka dei ban pynduh noh shi junom ia ban pyndonkam ‘internet’ hapoh ka jylla. U la ong ruh ba ka sorkar Meghalaya kadei ban pynduh noh ia ka tamasa ‘Digital Week’ ka ba ju ia rakhe man la u snem ha ka jylla bad ka ri India baroh kawei lyngba ka jing bthah u myntri rangbah duh ka ri India u Narendra Modi.
U Bah S.P Lyngdoh u la ong ruh ba ka sorkar Meghalaya ha ka jing ialam da u myntri rangbah u Conrad K Sangma ka dei ban kynran dien biang sha ka juk pyn donkam da ka shithi na ka bynta ban phah kyrwoh sha ki paidbah ka jylla.
“Ka sorkar Meghalaya kadei ban pynduh noh ia baroh ki buit pyndonkam ‘internet’ kum ki jing siew ‘online’ bad dei ruh ban khang ruh ia ka jing ia die ia thied tiar ‘online’” u la bynrap.
U GS ka Youtuber Association Meghalaya u la ong ba ka ‘internet’ ym tang ba ka pynioh kamai ia ki samla, hynrei ka iarap ruh ia ki samla ban wad kam bad ka iarap ruh ia ki khynnah pule na ka bynta ban pynsuk ban ioh jing tip kham bnaih halor ki mat jing pule jong ki.
Na ka liang u Bah S.P Lyngdoh u la ong ba ka Youtuber Association Meghalaya ka kloi ban ia treilang bad ka sorkar Meghalaya lada ka sorkar kam don ia ki stad (Experts) na ka bynta ban tehlakam ia ka jing saphriang ki khubor lamler hapoh ka jylla.
Kaba dei bad dei ban kyrshan pura halor kane ka jingdawa….kaba la ktah ia kiba bun ki samla ba im ja na ka sam ia ki tiar ba thied online..mynta ym ioh shuh ban thied ki tiar ka ktah lut shisha… dei ban pan bai lut ksan ruh namar katno sngi khlem lah pyndonkam internet te mano ba iohnong hato kam dei ka company… shu siew bad thied kai ia ka recharge card ioh pyndonkam… Bad bun kiwei kiwei ki jingduh nong
Nga sngewtynnad bad kwah joint Lang kata ka Seng ba THYMMAI ka Seng YouTuber