Shillong:Na Rynsan ki sur tynrai Cultural Pynter, ba la lam khmat da U bah Nikelson Khong mawloh, President jong katei ka seng, ka la ai da ka mukot duma, pyrshah ia U bah Biggestson Lyngdoh, na Pynter, bah Sanlang Benhanan Diengdoh, na Urksew, Pynursla, Bah Evanfield Khonglam na Pynursla bad la ai ia ka mukotduma lane ka money suit, ha ka Kashari jong U Additional Deputy Commissioner, ha Shillong.
Ha katei ka mukotduma, la dawa bai lutksan kaba long T.5 klur, ba kitei ki shah ujor, ki dei ban siew sha ka Na Rynsan ki Sur Tynrai, Pynter bad ka daw, ka long ba ki la phah pynsangeh jubor ia ka Fete, kaba katei ka seng, ka thmu, ban pynlong, ha ka 22,23tarik Risaw 2022, ha Tngon Phlang, ma dan Langtad.
Katei ka seng, kaba la leit shim bynta, ha ka ia rwai ia siaw tynrai ha Uttar Pradesh, ka thmu ban pynlong ia ka Fete, na ka bynta ban pynmih pisa ia katei ka seng bad ka dei kaba la pan jingbit lypa, haduh shibnai, shwa jong ka sngi ban pynlong ia katei ka tamasa, ha kaba la pan jingbit na ki Sawkur bad ba la pyntip ruh ia ka Raid bad kumjuh ba la ioh ia ka jingbit na ka SDO, Pynursla.
Hynrei, kaba katei ka seng, ka sngew kyndit, ba ha ka 20tarik Risaw, la buh ia ka jing ujor pyrshah ia katei ka Fete lem bad ka jingbyrngem byrsit ban pynkulmar ia katei ka Fete bad kumta ka SDO, Pynursla, ka la lum ia ka jingialang ki arliang mamla, ha ka 21tarik Risaw 2022 bad ka dei ha katei ka jingialang, ba katei ka seng, ka sngewthuh, ba ka don katei ka jing pynthut bad kam kwah shuh, ban dang pyniaid shakhmat ia katei ka tamasa, namar ba ki nongpeitkai lane ki nong iashim bynta ruh, kin sngew artatien noh ban leit sha katei ka prokram.
Na Rynsan ki Sur Tynrai, ki shim ba kane ka dei ka jingkhanglad ia ka sur tynrai, kaba pyndonkam da ka ksing, ka bom, ka duitara, ka shitar Khasi, ka besli bad kiwei de ki tiar tem ba ki shna hi bad ka dei halor katei ka jingsngew jah burom, ia ka jingshah khanglad, na ka bynta ba kin nang pynkhie pynsan ia ka sur tynrai, ba ki sa leit ban mudui sha katei ka kashari.
Wat ai jem ia kito ki nong pynthut.. hap pynsiew beit.
Wat ailad kito dei kiba mlien man ka por ban pynthut ha shnong hathaw ruh,kiba kwah jingmyntoi lang khamtam kidei ki khwan pisa shimet bad ki ba im ka Mynsiem pihuin bad bishni, phuit ka ia bat kam Sengbhalang pat I kumba kan tei dei man ki kruin.