Shillong, 24 Nailur:
Ki samla ba iakhun ia ka eksamin kam Pulit SF-10 ha ka sngi Saitjain ki la ialum biang ha ka jingialang kaba la long ha madan student, Jaiaw.
Ha kane ka jingialang la wan ban iashimbynta ruh da ki samla na kiwei pat ki jaka kynthup na Rilum Garo. Ha kane ka jingialang ki la rai ban mudui da ka Public Iinterest Litigation (PIL) ha ka taiew ban wan lyngba u Kishore Gautam u ban long u nongiasaid ain jong ki.
Ki don palat 1000 ngut ki samla, kiba la poi shaduh ka personal interbiw na ka bynta ka kam pulit SF-10, hynrei ia ka result pat ki khlem ioh satia namar ka jingujor jong uwei u samla wad kam da kaba kam ba ka jingpyniaid ia ki examin kim long khuid.