Ha ka taiew ban wan, lah ban rai ka kynhun MDA, ia u kandidet synrop sha Lok Sabbha

Shillong: Ka jing ia kynduh jong ka kynhun sorkar  Meghalaya Democratic Alliance, kan long ha ka taiew ka ban wan, na ka bynta ban iakren ia ka jingbuh ia u kandidet ionglang jong baroh ki seng sain pyrthei kiba don ha ka sorkar Jylla, ong U Bah Prestone Tynsong, myntri rangbah ba ar ka sorkar Jylla, hynnin ka sngi.

U bah Tynsong, ula ong ba ka  National People’s Party (NPP), kam pat shym la kynran noh, na ka jingiakren ban don ia u kandidet ionglang na bynta ka  Shillong bad ka Tura Parliamentary Constituency.

“Ngim pat shym la kynran noh, na ka jing wad ia u kyrtong ionglang ha baroh ar tylli ki Constituency. Ka MDA Co-ordination Committee, kan ia kynduh ha ka taiew ban wan, ban shim ia katei ka rai halor katei ka phang” ong U bah Prestone Tynsong, Deputy Chief Minister ka sorkar Jylla, hynnin ka sngi.