Shillong: Ka Myntri ka sorkar jylla kaba dei khmih ia ka tnat jong ka ain, ka kong Ampareen Lyngdoh, ka la ong ba da lei lei ym bit satia ban ktah ia ka riti bad khamtam lei lei ia ka jinglong u Khasi naduh kipor kiba mynshwa.
Kane ka jingong ka Myntri ka dei halor ka jubab ia ka jingkylli na ki lad pathai khubor, ia ka jingdawa jong ki kato katne ki longkmie ban aiti lang ha ki ban long kum u khlieh ban pyniaid ia ka shnong ka thaw.
Na ka liang ka kong Ampareen ka la ong ruh ba ka ain ka dei ka ain ba ka rukom pyniaid ka long beit kum kata ka rukom ban pyniaid ha kaba maka shimet ka don la ka jong ka jingburom.
Nalor katta ka la ong ruh ba ma kum ka MLA, kam juh treh ban shimti ne ban pdiang ia katta ka jinglong dkhot ba pura ha ka dorbar shnong, tangba ka la ong ba kum ka MLA kam sngew iapher ia ka rukom trei jong ka bad ki Rangbah.
Ka la pynpaw ba ha kum kane ka por kam dei satia ban don ka jingkulmar jingmut bad ka kyrmen ba ka bhah kaba 33% ia ki longkmie ban iashim bynta ha ka dorbar thawain. Ka la ong ba ha ka jingpeit u longshwa u manshwa, ia ki longkmie la buh bynta ha ki kato katne tylli ki kyndon ha ka imlang ka sahlang namar kum ka longkmie kan dei ka nonglum nonglang ia ka iing ka sem, ka ban pynhiar ia ka pateng ka jait ka khong, hynrei lait na kane, ha ka synshar ka khadar ki dorbar ki longkmie kim juh don bynta lang.
Hynrei ka pynpaw ba kane kam mut ba ka longkmie kam don la ka jong ka iktiar ha ka imlang ka sahlang, pynban dei ban burom ia ki kyndon u longshwa u manshwa, hynrei hapdeng ka jingtyllun jong ka por, bun ki dorbar khamtam lei lei ha sor, ki la shah ia ki longkmie ban jied ia ki Rangbah shnong, hynrei ki longkmie ki kynduh jingeh namar ba bun ki longkmie kin nym don ia ka por ban mih ha ka por mynmiet lada mih kano kano ka jingkulmar lada kan kit kam rangah shnong.
Kaei ba I kong Ampareen I kren ka long kaba dei eh.