Ha ka sien nyngkong, yn pyni nam dawai kynbat ha Jowai

Shillong,1 Nohprah:
Ha ka sien ba nyng kong eh yn pynlong ia ka jingpyni nam ia ki dawai kynbat kaba yn pynlong ha ka 6 bad 7 tarik mynta u bnai ha Jowai bad ia katei ka jingiapyni nam yn pynlong da ka Meghalaya Awareness Society for Communication (MASCOM). Ia kane ka prokram yn pynlong ha ryngkat ka jingkyrshan jong ka Office u Deputy Commissioner, West Jaintia Hills District, Meghalaya. Ka jingthmu jong katei ka jingpyni-nam ka long ban pyn-i pyrthei ia ki jingstad jingshemphang ki kpa tymmen ha kaba ia dei bad ka rukom ai dawa kynbat bad kumjuh ruh ka jingshemphang jong ki ia jait dawa kynbat kiba don sha kane ka thain. Ka jingpyn-i nam kaba bun hi kan dei ia ki dawa ki kynbat kiba don sha ri lum Jaintia. Ha kajuh ka por kane ka prokram kan long ruh kum ka rynsan iaki nongai dawai Khasi Pnar (Local Health Tradition Practitioners (LHTPs) ym tang ban pyn-i iala ka sap ka phong kaba la ai kyrpang U Blei, hynrei haka juh ka por kan long ka kabu iaki ban iakynduh bad iasyllok bad ki bor sorkar kiba ia dei bad kane ka kam bad kumjuh ruh ia u paidbah.
Nalor ki nongai dawai Khasi Pnar (LHTPs), la khot sngewbha ruh ia ki tnat sorkar bad ki agencies kum ka State Biodiversity Board, ka State Medicinal Plants Board and bad Forest Department ba kin iashim bynta ha kane ka jingpyni nam. Kane ka jingiapyninam kan plie na ka bynta ki paidbah naduh ka 10:00 baje mynstep haduh ka por 5:00 baje janmiet ha baroh ar sngi. La phah ka jingkyrpad sha ki paidbah ba kin shim kabu ia kane ka lad ym tang ban shu wan peit ia ki dawa ki kynbat ba wan pyn-i nam hynrei ban iasyllok ruh bad ki nongai dawa kynbat Khasi Pnar ha kaba ia dei bad ki jingpang jong ki. Kito kiba kwah ban ioh jingtip ba kham bniah shaphang ka rukom treikam jong ka State Biodiversity Board, ka State Medicinal Plants Board bad ka Forest Department ki lah ban wan iakynduh iaki nongmihkhmat jong kine ki thant treikamka sorkar kiban don ha kitei ki sngi. Ki paidbah kiba kwah ban ioh jingsumar naki nongai dawa kynbat Khasi Pnar kin sngew ban wan ban ikkynduh iaki nongai dawai kiban don ha katei ka exhibition. La khmih lynti ba ki nongai dawai kynbar Khasi Pnar na kylleng kin wan iashim bynta ha kane ka exhibition bad ki nongai dawai na kylleng ki lum Jaintia ruh ki wan ban iashim bynta.