Shillong:Hapdeng ki jingsangeh kamai ki kali, kan long pat lehse ka sien ba nyngkong eh ban ïohi bad sakhi ba ka surok naduh Anjali petrol pump shaduh Ïew Mawlong ter ter shaduh Motphran, kaba manla ka por kaba ju khapngiah bad jur ka jingdheng kali, hynrei ha kine ki sngi ka da thylli bad kynjah hi jar.
Katei ka surok kaba wan ïaid bha ruh ki briew bad khamtam kiba na nongkyndong hynrei mynta ka kynti la lap ba duna bha kiba ïaid lait sa tang ki nongdie jingdie kiba shong ha kitei ki jaka.
Ka jingbym don ki kali kamai ka la pynlong ïa katei ka surok ban kynjah.
Haba ïakren bad ki katto katne ki nongdie bad kiba shong dukan ha kitei ki jaka ki pynpaw ka jingsngew diaw shibun da kaba ong ruh ba ka jingbym don ki kali kamai ka la ktah bha ïa ka khaiï pateng jong ki, namar lada ym don ki kali kiba nongkyndong ruh kim ïoh wan.
“Ka jingbym ïoh wan kiba na nongkyndong ka la ktah bha ïa ka khaiï pateng jong ngi bad baroh shi sngi ngi shu shong khlem lah die,” ong kitei ki nongdie haba kren bad u Rupang.
Haba kylli kumno ki sngew haba ïohi ïa ka jingkynjah ka surok, ki la pynpaw ka jingsngew phylla shisha ha kaba ki la ong ba kat kane ka jingkynjah kim pat ju ïohi mynno mynno ruh bad lada ka ?ai long kumne kan long ruh shisha kaba sngew tieng ban shong dukan sha kane ka thaiñ namar ka jingkynjah palat.
Kane ka jingsngew phylla jong ka jingkynjah katei ka surok lah ban ong ba kan dei shisha ha ka sien kaba nyngkong, lait noh satang ha ki sngi ba don ki pakhang shnong ne kiwei pat ki sngi shuti kiba rakhe ha ka ri baroh kawei.
Kala dei ka por ba ngin sngewthuh noh hangne bad ka por ba la donkam Beit ban pynpoi Beit direct ia ki Jing donkam kum ki marbam mardih, ki jaiñ ki Nep bad ki tiar Jing donkam baroh hala ki thaiñ ki thaiñ nongkyndong khlem Da Donkam shuh ban leit thied shaduh Shillong lait noh tang leit shim dawai kata klem pep ngin sa iohi biang ia ka jinglait na ka dheng Kali ka sor Shillong, namar Kane mynta ka long ka nuksa mynta