Ha ka rta kaba 89 snem, yn sa ioh khun U Bernie Ecclestone

U Bernie Ecclestone, uba dei u trei jong ka Formula One, un sa ioh khun shen bad kane kan dei ha ka sien kaba saw, ba un ioh khun.

U Bernie, u dei uba 89 snem ka rta bad u iathuh ba ka kurim jongu, ka Fabiana Flosi, 44, ka la ar met bad kitei ki don ha ka jing ia shong kynjah ha Sao Paulo, Brazil.

U Bernie, u la ong “Ka dei ka jingshisha bad kan sa ioh ha kane ka lyiur”. Ka Fabiana, ka ong shuh shuh “Kumba long lem ia baroh ki kmie ki kpa, ngi kwah ba ngin ioh ia u khun uba koit ba khiah”.

La iathuh ba utei un dei u khun shynrang bad yn kha ia u, ha U Naitung 2020 bad un dei u shynrang ba nyngkong jong U Ecclestone.

U Ecclestone, u don san ngut ki ksew bad un sa dap noh shen, 90 snem bad u don lai ngut ki khun kynthei, ka Deborah, 65, Tamara, 35, bad ka Petra, 31.