Ha ka rta kaba 89 snem khlad noh u Dr. J Syiem, kpa u MLA ka Nongpoh

Nongpoh: U Dr. Jerin Syiem, uwei na ki doktor ba la shongthait ha Ri Bhoi bad uba la dei uwei na kiba la nohsynniang na bynta ki kam babha ha Ri Bhoi, u la khlad noh mynta ka sngi ha ka por 9 baje mynstep hapoh ka jaka sumar jong ka Super Care, Shillong.

U Dr. Jerin Syiem u dei ruh u kurim jong I Kong Jaya Syiem bad u kpa jong u Bah Mayral Born Syiem u ba dei u MLA ka Nongpoh Konstituensi, ha ryngkat ki 3 ngut kiwei pat ki khun kiba ïa kynthup ïa u Bah Machborn Syiem u ba dei u nonghikai skul, u Bah Deberborn Syiem u ba trei hapoh ka tnat ka Koit ka Khiah bad ka Dr. Junnywed Syiem, kaba dei ka Medical Officer ha Marngar PHC.

Kumban kyrtiang dien halor ka jingim jong u Dr. Jerin Syiem, la kha ïa I ha ka 1 tarik u Nailur 1931, bad ha ka jingiaid lynti ka jong i, I la kylla long ruh u Doctor ban pass ka MBBS ba nyngkong eh na Ri Bhoi District, kata ha u snem 1971 terter hadien ka jinglynshop ka khlam Nianglyngkut I la trei kum u Medical Officer jong ka State Leprosy Unit haduh u snem 1988 bad ruh ban bat ïa ka kyrdan kum u SDMO ha u ne hi u snem.

U Dr. Jerin u la bat ia ka kyrdan doctor kum u State Leprosy Officer ban iakhun ïa ka jingpang khlam Nianglyngkut tad haduh ban lah ban rat dyngkhong syndon ïa kane ka jingpang khlam. Ha u snem 1993 haduh 2002, u la long kum u DMHO ba nyngkong eh jong ka Ri Bhoi District tad haduh ba un da shongthait noh na ka kam ha u snem 2002.

Nalor ka kam shakri paidbah kum u Doktor, pynban u la shimkhia ruh ha ka jingshakri ba kynja mynsiem, kata kum u Tymmen Basan ka Balang Presbyterian Diwon, ia kaba la pynkyntang Tymmen Basan ha u snem 1980. Ka jingleh don burom ba khatduh ia ka met ka jong i, yn pynlong ha ka 25 tarik u Nailar 2020 naduh ka por 10 baje mynstep ban sdang na ka iingsah kaba don ha Diwon bad yn pyndep pat ha u Lum Jyntep ka Balang Presbyterian Diwon.

U Bah D. D. Lapang, Chief Adviser jong ka sorkar Meghalaya, u phah ia ka jingsngew lem halor ka jingkhlad noh jong U Dr. J. Syiem, u kpa jong U Bah Mayralborn Syiem MLA ka Nongpoh Constituency. Ka jingkhlad U Dr Syiem, ka dei ka jingduh ia ka iing jongu bad kumjuh ia u paidlang ka Nongpoh Constituency, ong ka khubor na U bah Lapang.