U Aamir Khan, uba don mynta 60 snem ka rta, ula pynthikna, ba un ia poi kha biang sa ha kane ka sien kaba mynta bad kane ka dei ia ka Gauri Spratt, kaba na Bengaluru.
U Khan, ula pyn ithuh ia ka Gauri, sha ki kotkhubor, ha shwa ka jingrakhe sngi kha jongu bad ula iathuh ba kiba ha iing jongu ruh, ki ieid thep mynsiem bha ia ka Gauri bad u iathuh, ba ula pyniakynduh ruh ia ka bad kiba ha iing kiba u iajanj bha bad kitei ki kynthup ia U Shah Rukh Khan bad u Salman Khan.
Ka Gauri ka iathuh ruh, ba ka la iakynduh bad kiba ha iing jong U Aamir, ha kaba ki pdiang hun mynsiem bha ia ka, ba kan long kum ka pyrsa kurim jongki.
U Aamir, u iathuh ba ula tip ia ka Gauri, la 25 snem ka kynthih, hynrei, ki dang iohlad pat ban iakynduh dang ha ki 18bnai ba ladep bad haba ki la iakynduh, la iathuh ba u ksai jingieid jongki, ula teh syrdoh bha, ha kaba mynta ki la rai ba kin ia poikha noh shen.
Ha katei ka jing pyn ithuh sha ki nongshondur, U Aamir, ula kyrpad ia ki nongshondur, ba kim dei ban shondur satia ia ka, namar ba dang sngew lehrain bad kam pat ju mlien ia ka jingim kaba ki la ia mlien bha ha ki rynsan Bollywood bad u iathuh ruh ba ka Gauri, kam pat da tip bha ruh ia nam jong U Aamir, namar ba kam ju peit bha ia ki phlim Bollywood, lait noh tang ka Lagaan bad ka Dangal.
U Aamir, ula kren biria ruh, halor ka jingthmu jongu ban ia poikha biang sa shisien, da kaba ong “Ngam tip, la ka dang biang ne em, ianga, ba ngan ia poikha ha ka rta kaba 60 snem (mujhe shaadi shobha deti hai ki nahi), hynrei u iathuh ba ki khun jongu, ki sngewkmen bha, haba u iathuh, ba un ia pom daw biang sa shisien bad u ong shuh shuh “Nga donbok shibun ruh, ba nga don ia ka jingiadei kaba jan bha bad ki tnga barim jongnga ruh”.
Ka Gauri Spratt, ka dei kaba na Bengaluru bad mynta ka trei ialade ha ki kam ak phlim jong u Aamir Khan.
Ka dei kaba ju mlien bha, ha ka kam khap shniuh bad pynwandur ia u shniuh bad ka don ia ka kyrdan pule jongka, ha kaba iadei bad ka Fashion, Styling, and Photography na ka University of Arts, London. Ka Gauri ka dei kmie ia ka nong Tamil bad u kpa jongka, u dei u Irish bad ka don ruh ia u khun, uba dang hynriew snem ka rta.
U Aamir Khan, ula ia poikha nyngkong ia ka Reena Dutta ha u snem 1986, ha kaba ki don arngut ki khun, ka Ira Khan bad u Junaid Khan bad ki ia pyllait sanshyieng ha u snem 2002.
Ha u snem 2005, u Aamir u iapoikha bad ka nongthaw phlim, ka Kiran Rao bad ki ia pyllait noh ha u snem 2021, ha kaba ki don ia u Azad, u khun jongki bad haduh mynta, U Aamir, u don ka jingiadei kaba jan bha bad kitei ki tnga barim jongu, baroh arngut.
Phi don ban ong eiei?