Ha ka rta ba 89, U Bernie Ecclestone, u don jingthmu ban ioh khun sa shiteng dorjon

U Bernie Ecclestone, u dang shu ioh khun shen, ha ka rta kaba 89 snem, hynrei, ula ong ba u dang kwah ban ioh shen sa iwei ha ki khyndiat por ban sa wan.

U Bernie, uba dei u trai jong ka jing ialehkai Formula 1, u iathuh ba u kwah ban ioh khun shen sa iwei bad um kwah ruh ban pyndonkam Viagra, hynrei u kwah ban bam thikna tang ia ka vitamin D.

U Bernie, u iakren bad ka kotkhubor na London, The Sun bad u kyntait, ba ula tymmen eh, ba um lah shuh ban sumar khun rit, hynrei, ula ong ba ha kane ka kynti, haba u ioh ia u khun uba saw, na ka tnga jongu, ka Fabiano Flosi, kaba dang 44 snem ka rta, un long u kpa, uba kham tbit shibun. “Mynshwa, nga ioh da ki khun kynthei baroh lai ngut shakhmat bad nga dang kham samla ha kato ka por”.

“Nga la pynthikna ia ka Fabiana, ba ngin ioh khun shiteng dorjon” ong U Bernie. U Bernie, un sa dap 90 snem ha U Risaw 2020 bad u dang pynkhreh ruh namarkata, ban ioh sa 5 ngut ki khun ha ki snem ban sa wan.