Ha ka por ba long MR U Mukul, ong Bah Bindo

Shillong:U bah BM Lanong, symbud myntri rangbah barim, ka sorkar Jylla, ula pyn mih khubor mynta ka sngi, ha kaba ula ong “Kaba pyrshah ia kano-kano ka tih dewiong be-ain bad ka khaii tuh, nga mynjur bad u Dr.Mukul Sangma ba dei ban phah tohkit, khnang ba ki nongtuh kiba pynkhein ain ki dei ban ngat ha ka saja katkum ba mang ka ain”.

U bah Lanong, ula ong biang “Hynrei kaba ngam sngewthuh ia u Mukul ka long balei um jubab bad pynshai, ba haba u dang long Chief Minister ma u naduh 2009 haduh ba sdang u 2018, balei u khlem pynbna paidbah bad pyntrei kam ia ka Policy (Kyndon ain) ba la khreh bad pynbiang shitom kumba shisnem da ka department Mining and Geology, kumba dawa ka Sorkar India bad ka Supreme Court ha ka por ba dang peit ma nga kum u Deputy Chief Minister bad ia kaba lah dep mynjur ruh da ka Cabinet ba khlieh u Mukul hi?, ong biang utei u heh ka seng UDP.

“Dei ba lah plie rynghang ma u, ba sa jia kumne mynta” pynkut U bah Bindo.