Shillong: U Superintendent of Police ka East Khasi Hills District u Rituraj Ravi IPS, u la pyntip ba u heh Ophisar Indian Forest Service u ba bat ia ka kam Conservation of Forest ka jylla u N.Luikham u la shim ia ka jingim ha u tyllai phasi ha ka step jong ka 13 tarik Lber 2024.
Katkum ka kyrwoh jong u SP la pyntip ba utei u rangbah u ba la don kumba 50 snem karta u la shim ia ka jingim da kaba phasi ha iingsah kaba don hajan ka Lady Keane College College ha ka por kumba 7 baje mynstep. Ia ka met ba sah jong utei u rangbah la pynkit noh sha Civil Hospital Shillong ban pyndep ia ka post mortem bad ka jingtohkit mynta ka dang iaid shakhmat. Une u N.Luikham u dei na ka shnong Ukhrul District,ha ka jylla Manipur.
Hadien ba la dep leh ia ka post mortem ia ka met jong u heh ophisar ka IFS, la rah noh sha iing sah jong u hajan Lady Keane College ban pynlong ia ka jingleh burom sngewlem hashwa ban rah noh sha Manipur.
Katkum ka jingioh jingtip na kiba ha ing jong une u ophisar ki la iathuh ba ia kamet ba la phasi la lap ha kapor 7 baje mynstep, hadien ba ka lok ka la wan buh skul, ia kawei ka khun kynthei kaba dang 9 snem karta, la lap pat ba u la sdien ialade ha u tyllai phasi ha ka iing ba buh ia ka kali kaba don mar syndah bad ka iingsah.
Phi don ban ong eiei?