HA KA POR ARMET: Kumno ban sumar ialade haba dang armet?

[ba bteng]4.KA JINGLEHKHUID:— Kam long kaba bha ban pang ne shitom haka por armet, kane ymtang ba ka ktah iaka jingkoit jingkhiah jong i khunlung, hynrei kan nangbuh iingma arshah iaka jingarmet jongphi kaba phi ju shem jingeh naka por shaka por. Namar phin ym lah ban iada sah ban lait naki khniang jingpang kiba ktah iaphi hynrei phi lah ban shim iaki sienjam ban iada naki khniang jingpang katba lah. Namar kata ka jinglehkhuid ialade bad ki sawdong sawkun ka long kaba donkam. Ban sum man la ka sngi kadei kawei ka jingmlien kaba bha haka por armet. Da kaba sumar bad lehkhuid ialade kan ai jingmyntoi shi katdei eh iaphi khamtam kan pyllait ia i khunlung ba dang pun na shibun ki jingshahktah ha ki khniang jingpang.

5.KIAR NAKI JINGDIH PYNBUAID:— Kino kino ki jait jingdih pynbuaid kiba phi dih ki poi lang sha i khunlung lyngba ka jingtuid jongka snam. Ymdon lad ne lynti ne kino kino ki stad wadbniah kiban pynthikna iaphi ba haduh katno ka long shngain ban dih kyiad haka por armet.Ban dih kyiad ne kino kino ki jingdih pynbuaid haka por armet kalah ban ialam sha ka jinghap khun(miscarriage). Namar kata kan long kaba bha shi katdei eh ban kiar katba lah naki jingdih pynbuaid ban ioh ia i khunlung iba shait ba khlain khlem kano kano ka jingartatien.

6. KIAR NAKA JINGDIH KIBA DON CAFFEINE:— Ki jingdih kiba don caffeine ki kynthup ia u kophi, ka sha, cola chocolate bad kiwei kiwei ki jingdih pynpyngngad. Ban dih palat iakine ki jait jingdih haka por armet ka lah ban kyntiew iaka jingma ban hap khun.Katto katne ki nongwadbniah ki shem baka jingdih palat iakine ki jait jingdih kalah ban khate noh iaka jingkhia jong i khunlung ba dang pun bad lada ka jingkhia i khunlung ka duna ban iakaba dei ban don, kan ktah wat iaka jingim jongki ruh shi junom. Namar kata ban lait na kine ki jingshahktah baroh, kan bha ban ieh shuwa shipor ia kine ki jait jingdih ban ioh iaka jingkoit jingkhiah jongi khunlung hapoh kpoh.
   7.PYNJAHTHAIT IALADE:—Kiwei pa kiwei ki kynthei ne longkmie kim ju iohlad ban pynjahthait ialade naki jingbunkam ba man ka sngi.Kane kadei ka por kaba biangtam phin iohpor ban pynjahthait ialade. Ka por armet ka dei ka por ha kaba philah ban pynlut khambun ka por naka bynta ialade,phi iohlad ban sumar ialade bad ia i khun ba dang pun bad kane ka long kaba donkam shibun. Pyrshang ban thiah pynjahthait man ka por namar da kaba leh kumne ymtang ba ka ai jingkoit jingkhiah iaphi hynrei kan pyllait ruh naka jingshahktah ka jabieng i khun ba dang pun bad kane kan ai jingmyntoi shikatdei eh na ka bynta ka lawei ba phyrnai jongki.
   Namarkata, kum ka longkmie kaba don iaka jingkitkhlieh naka bynta ki khun, phi dei namar kata ban bud ryntih iakine ki jingai jingmut kiba lah ban iarap iaphi hapdeng ka jingarmet ban ioh ia i khunlung ba shait ba khlain bad ba stad ruh de. Khublei