Ha ka lyngkhuh 46 snem, da ka iing sah, ai ka KSU ia ka longkmie

Shillong:U samla Donald Thabah u ba dei u General Secretary ka Khasi Student Union (KSU) sengkmie mynta ka sngi ka 20 tarik u lber 2024, u la leit ban aiti noh ia kawei ka iing ba la pynshna da ka KSU Mawlai Circle ia ka kong Regina Jyrwa, kaba don ha Mawlai Nongkwar ka ba don haduh 10 ngut ki khun.
Kane ka jingaiti ia ka iing ba la pynshna kalong kum ka dak ban rakhe burom ia ka jingdap 46 snem ka jingshakri jong ka seng.

Ha kane ka sngi nalor u samla Donald Thabah la iadonlang ruh u Biangbor. L Paliar u ba dei u Vice President ka CEC, u rangbah shnong jong ka Mawlai Nongkwar u bah Moon, u secretary shnong ha ka jingiadonlang ruh ki trai iing kong Streamlet Kharbhih, kaba dei trai jaka ba la ai sngewbha ban shna ia katei ka iing.
Hashwa ban khap ia u ribon bad ban aiti noh ia kane ka iing sha kawei ka longiing nakaliang u samla Donald Thabah haba kren ha kane ka sngi u la ong, ba ki 46 tylli ki snem ka jingiaid lynti ka seng KSU bad bun ki ishu ba ka seng ka la shimti ia ka kam ba dei ban pyndep ba wat la ki nongialam ba hakhmat kim don shuh bad ka sengseng, hynrei ka seng kan ialeh beit nakabynta ka ri bad ka jaitbynriew.

“Na ka liang u bah Biangbor Paliar, haba ai jinglren u la ong, ba kane ka dei ka sien ka ba nyngkong ba ka seng ka ioh ban shim ia ka sienjam ban iarap shna ia katei ka iing bad kane ka long ka jingkyrkhu shibun”.
U bah Biangbor u la ai ruh ka jingkyrkhu kyrdoh ia kane ka longiing ba kan bha ba ka kamai kajih bad kum ka seng ka kloi ban ai ka kti kamon kti ka diang na ka bynta kiba donkam ka jingiarap kiba bun.