Ha ka kyrteng ki MR barim, yn jer kyrteng ïa ki kad liengsuiñ

Shillong:Ka Sorkar Jylla ka la rai ban jer kyrteng thymmai noh ïa ki artylli ki kad Liengsuiñ ha ka kyrteng ki arngut ki Myntri Rangbah ka Jylla.

Haba pynbna ïa kane ha ka jubab ïa ka jingïatai, u Myntri Rangbah ka Jylla Conrad K Sangma ula ong ba ïa ka Umroi Airport yn jer noh ha ka kyrteng u Bah B.B Lyngdoh bad ïa ka Baljek Airport, yn jer noh da u Myntri Rang bah ba nyngkong ka Jylla u Williamson A Sangma.

“Ngi sngew ba kine ki dei ki nongïalam kiba la noh synniang shibun eh ia ka Jylla. Ki don ruh shibun kiwei pat ki Nongïalam ka Jylla” ula ong.
U Conrad u pyntip ba ïa ka runway jong ka Baljek Airport ruh, yn sa nang pynheh bad ka jingïakren bad ka Airport Authority of India ka dang ïaid shakhmat halor kane ka bynta.