Ha ka kyndon rung jubor, ngat ki KSU

Jowai, 21 Risaw:
Ki dkhot bad nongialam ka KSU- JHDU ki la ngat ha ka kyndon 447/506/34 IPC halor ka jingrung jubor jong ki ha kamra treikam u CEM ka JHADC bad ban byrngem byrsit ia u CEM bad ia kiwei pat ki MDC kiba don ha katei ka por.
Ka KSU lyngba ka khubor kaba la pyllait paidbah hadien ka jingrung jubor ka la pynshisha ia kane ka jingkynnoh jong u Joint Secretary ka JHADC katkum ba la ujor ha ka Ejahar.
Na ka liang ki pulit kin sa khot ban tohkit ia kitei ki nongialam bad ki dkhot jong ka KSU bad kin shah kem ruh ban shah bishar katkum ka ain lada lap ba ki la leh shisha ia katei ka kam, la ong uwei na ki heh pulit ka West Jaintia Hills.