P.B.S
[ba bteng] Ka don ka jingialeh hapoh mynsiem.jong u la un leit ne un nym leit bad ha kaba khadduh u la khun jubor ka mynsiem ba dei ban leit namar u dei u malik, lada um leit ka pyni ba um burom ia u malik Das.
“Kmie, la 17 tarik kaba dei ka sngi saitjain ngam banse ban leit birthday ha u malik uba sah ha ki thain Mawprem” iathuh u Bruton bad u dang pule kotkhubor
“Ym dei ho ban pep kat u malik lajong. Bha kaba leit ban ia kaba pep” kyntu ka Larisa
“Hap ai present pat te kmie” ong bad plied ia kawei pat ka piej
“Long hi ban leit thylli, sa tang u biej hi kein. Ieh ngan leit pynthied ma nga” ka ong.
“Oh! klet kylli ka khun kynthei ne khun shynrang? ‘ka kynthei phi” u iathuh.
To ngan pynthied ma nga kem kam lei-lei. Mynta ka dang dei ka sngi ba-ar ka dang biang” ka ong bad leit sa kamra ban peit jyntah
U Mr Das u la phah wan ia u Bruton naduh ka por 11 baje mynstep. Shuwa kata ka por u la sum la sait shwa, u shave itynnad ia u ‘main-ktien bad niuhtmoh. U la phong da ka Jean blue bad ka sopti lor rong ping bad ka half jaket. Ka juti rong marun ba nep khmut. U tah umphniang ia u shniuh bad u tah khmat. U iphuh namar u dei uba lieh sniehdoh. U thep ia ka present ha ka plastic rong jyrngam.
“Ma phi lah wan. Song-song shwa dih ka sha” ong u malik ha ka riam ka khor kaba itynnad
“To to khublei malik” kren don burom u Bruton bad u ai ia ka present.
“Thank you” ong u Mr Das.
Katba ka por ka nang iaid ki nongshah khot ki la nangwan nangwan bad kiba kham bun ki wan da la ka kali lajong. Duna ki sakthap-sakthup hynrei bun ki pongdengkarai ha ka jrong. U Bruton u sngew ialade la kum u khynnah rit namar u dei uba lyngkot briew tang 5 phut ruh um don. Ka jingsngewbriew ka trei jur bha ia u. U ianujor ialade bad ki u sngew ba u dei tang u niut. La u shongkai bad katto katne ngut kiba u shu ithuh khmat hynrei kata ka jingsngew synei ialade ka rhem jur ha mynsiem jong u.
“Bruton, phi lah miet, phi lah ban leit noh ruh la biang. Nga sngew tynnad ba phi la wan. Sa iakynduh pat Monday mo” ong u malik
“Nga lah miet kein malik ba marwei lei kumne lah sngewkynjah. Khublei shibun” ong u Bruton bad u mih noh artat nangta haba u peit por u iohi ba la don 9:30.
“Katta por u kpa jong phi um pat wan. Nga shu tieng ba dei sha iing u dkhar. Nga lynga, ka phun ruh u lah klet ha ka jingleit kyrieh. To u Blei u tip hi haba u leit sha iing u malik” ong ka Larisa ha ka leh bun jingpytkhat.
“Ka dei kein mei, lada i ialam lang ia nga ruh lah kham shngain” ong u Halbert.
“Shish! ka malik mrad aiu me tang ban ong ialam lang ia ki khun ruh kam ong” kren bitar ka kmie, kumne kein ba ong ki men riewspah ki dei kiba khapnap”
“Nga sngew kumba pah ka phalor” ong ka Gracia bad ka da sngap bha la ki shkor.
“Oh! lah wan i pa” ong ka Freda katba ka dang khongoid na jingkhangiit.
“Plie plie ka iing” hukum ka kmie
“Nga la khuslai ba phi slem namar ngam da shanniah eh ia ki dkhar. Nga lynga naduh mynne. Ka phun ruh phim rah nga lah kum dom ia phi ruh” ong ka kmie da ka khmat phuh samrkhie.
“Nga la kwah mih noh naduh 5 baje tangba khlem ong u malik ym sngewnud. Ban leit iingkhawai riewspah te kmie, kum ngi u raitoi kumne lah sngew shisha kum i khniang. Ka jingiapher te la kat ka mihngi ka sepngi” ong u Bruton bad u law ia ka juti. [yn dang bteng]
Phi don ban ong eiei?