Ha ka kut bnai, yn treikam ki mashin thymmai, ong u MD rLa weng iakhih ki nongtrei ka MCCL

Shillong, 14 Jylliew:  
U Managing director ka karkhana ka sorkar ka MCCL u Sanjay Goyal u la iathuh ba ki nongtrei ka MCCL ki la leit trei biang sha ki kam ki dup jongki namar ba ki mashin thymmai kin trei noh haba kut jong une u bnai.
U Goyal u la iakyn duh dang shen ia ki nong ialam jong ka seng ki nongtrei ka MCCL ha kaba u la kyrpad ia ki ban leit trei biang sha la ki kam ki dup namar ba ki mashin thymmai kin sa treikam noh la kumno kumno haba kaba kut jong une u bnai. ”Nga sngew kmen ba ki la pdiang ia ka jingkyrpad jong nga ban leit trei biang ia ki kam jongki. Ngi la buh thong ban pyntreikam noh ia ki mashin thymmai ha kaba kut jong une u bnai”, la ong u managing director ka MCCL. Ha kajuh ka por, u la ong ba u la dep thoh sha ka sorkar jylla ia ki jingeh ba ki nongtrei ki la iakynduh kynthup ka jingslem ban siew tulop, bad kiwei de. “Nga dang ap ia ka jubab na ka sorkar halor kane”, la ong u Goyal.
U la ong ba ka jinglut na ka bynta ban siew ia ki nongtrei ka la kot sha ka T.1.2 klur ha ka shi bnai bad ka tulop jong ki nongtrei ka la sahkut haduh u Jymmang kaba long hynriew bnai.
‘Nga kyrmen ba ngin lah ban siew ia ka tulop kloi katba lah”, la ong u managing director.
Shwa ia kane na ka liang ka BJP ka la dawa ba dei ban pynlait noh mardor ia ka tulop jong ki nongtrei ka MCCL. Ki dkhot ka BJP ki la pynlong ruh ia ka jingshong kyrain hakhmat ka Additional Secretariat ban pynpaw pyrshah ia kane ka jingbym lah siew tulop ka sorkar ia ki nongtrei ka MCCL.