Ha ka jingwad ia ka coronavirus, hiar ki saiantis ka Thailand sha ki krem ban wad lymbit

Ha ka jing iakhun pyrshah ia ka khlam coronavirus, ki don shibun ki jing pyrshang da ki saiantis jong ki ri bapher.

Ha Thailand, ki saiantis jong katei ka ri, ki bunkam ha ki khyndiat sngi ba ladep ban leit sha ki krem ki kroh, ban leit wad ia ki jaka shong jong ki lymbit bad ban peit bniah, la kitei ki lymbit, ki don jingpang coronavirus ne em.

Ki la don bun ki jingkynnoh, ba kiba pynmih ia kane ka khlam, ki dei ki lymbit, ha kaba la shim ba la lap ia ka tynrai jong katei ka jingpang ha Yunnan, kaba don shathie jong ka China.

Ki stad jong ka Thailand, ki la leit sha ki krem bapher bad ki la ioh kem ia 19 jait kitei ki lymbit bad kin sa test, la kitei ki don ne em ia ka khlam coronavirus bad la iathuh ba ki la ioh kem ia 200 tylli ki lymbit, kiba don ia ki jait jinglong bapher, na kiba bun ki krem ha katei ka ri.