U Aryan Khan, uba dei u khun jong U Shahrukh Khan, u don mynta ha kti jong ki pulit ka Narcotics Control Bureau (NCB), ha kaba u shah set, haduh ka 7tarik Risaw 2021 bad ha kine ki sngi, kiba u don ha ka jingshah tohkit, u duriap bha ialade, ban pule ia ki kot Science, ong ka khubor. U Aryan, ula pan na ki pulit kiba tohkit ia u, ba kin ai, da ki kot Science, ba un ioh pule, ha ki sngi, ba u shah set.
La iathuh ba ia ka bam jongu ruh, ym shym la shah, ba un bam, da kaba shet na iing, hynrei, la pynbiang, ha ka National Hindu restaurant, kaba don hajan ophis ka NCB.
Ki pulit ka NCB, ki la aiti ia ki mobile phone jong U Aryan Khan, sha ki pulit forensic, ba kin peit bniah ia ka jing pyndonkam bad phone briew jong utei u khun jong Shah Rukh Khan.
Hynnin ka sngi, ka NCB, ka la kem sa ia saw ngut ki briew, ha ka jing iadei bad ka jing ioh kurup droks, na kawei ka jhad kaba don ha rud duriaw ha Mumbai bad katei ka dei nalor ki 9ngut kiba la shah kem kham mynshwa, kynthup ia U Aryan Khan.
Phi don ban ong eiei?