Ha ka jingkwah ar met, pyndait ka longkmie da ki ngap ia la ka kpoh

Ka jingkwah ar met ka don bun rukom; don kiba kwah da ki jingbam bapher, don da ki jingkwah ban leit shane shatai, hynrei kane ka thei armet, ka kwah ban pyndait da ki ngap na kpoh jongka.

Kane ka thei armet, ka dei kaba na Texas bad katei ka shah kynthah ha ki ngap, ha ka kpoh ba at ar met jongka bad la iathuh ba ki don kumba shiphew hajar tylli eiei ki ngap kiba ia sop ia ka kpoh jongka.

Katei ka thei ar met, ka dei ka Bethany Karulak-Baker, kaba im da ka kam ri ngap bad katei ka kwah ba ha kane ka kynti jong ka jing ar met, kan pyndait noh ia ka kpoh jongka, da ki ngap.

Ha ka dur, la pyni ba ka Bethany, ka ieng ha kawei ka madan phlan, kaba dei ruh ka jaka ri ngap jongka bad la iohi ia ki ngap, kiba sop ha ka kpoh jongka bad ka thoh pat ha ka dur “Kane ka dei kaba ma, wat ju pyrshang ban leh leh kumne, khlem da sngewthuh kham bha”.