Imphal:Ka jingleit ialap elekshon jong u kyrtong jong ka parti Congress ha ka Outer Manipur Lok sabha Constituency ka la shah pynthut noh ha ki seng lehnoh ha ki ar sngi ha Ukhrul district jong ka jylla Manipur kaba don ha khapud bad ka ri Myanmar.
Katkum ka jing iathuh jong ki heh ophisar ba ka jingiather kuli ba markylliang ka la mih hapdeng ki bor shipai bad ki riew pyrshah ia ka shong suk shong sain katba ka elekshon ialap elekshon bala pynlong ha ka hall ha ka shnog Tuinem ha ukhrul district jong ka jylla Manipur ha ka janmiet sngi ba ar.
U kyrtong jong ka parti Congress u Alfred Kanngam Arthur, u ba dei ruh u MLA Barim jong ka Ukhrul Constituency ha jylla Manipur u la iakhun ia kane ka elekshon na ka parti Congress,kaba yn sa leit ban thep vote ha ka 26 tarik April.
La ioh sngew ia ka jingsawa jong ki ktang suloi ha syndah jong ka jaka ba pynlong jingialang ha ka sngi ba ar ha ka por 1.30 janmiet,tang shu sdang ka jingialang ialap elekshon.
Ki bor shipai ha ryngkat ki pulit jong ka Ukhrul, ki la pynphai kuli Kylla sha kine ki bynta ba Sawa ki ktang suloi, hynrei ym shem la don satia kino kino kiba mynsaw.
Ha ka sngi nyngkong ka 18 tarik Lber ruh ka la don ka jingsawa jong ki ktang suloi ha ki jaka ba pynlong jingialang ha TK woodlands resort kaba don ha ukhrul district na ki briew ki bym lah satia ban tip.
Ki bor pahara ruh ki synreit kuli lang, hynrei ym shem la don satia kiba mynsaw.
Phi don ban ong eiei?