Ha ka iaknieh sorkar ha Maharashtra, kem pang kyndeh shadem u MP ka Sena

Mumbai: U Sanjay Raut, u nongialam ba ha khmat duh jong ka Shiv Sena, ula leit shah sumar mar mar mynta ka sngi ha ka hospital Lilavati ha Mumbai, namar ba u pang kyndeh shadem.

U Raut, u dei uba wan ha khmat bha ban tyllun ha ka sain hima sima iaknieh sorkar ha kine ki sngi, hapdeng ka BJP bad ka Shiv Sena, hadien ka result elekshon jong ka 24tarik Risaw 2019.

“U ud pang shadem bad ula leit ban phah peit ha ki doktor bad ki la ai jingmut ba un shong thait shwa shisngi ar sngi. Kam don kano kano ka jingma ia ka koit ka khiah jongu” ong U Sunil Raut, uba dei u hynmen jong U Sanjay.

U Raut, la iathuh ba u bunkam bha ha ki khyndiat sngi ba ladep, khamtam lei lei naduh hynnin ka sngi, haba U Lat ka Jylla, ula ai por 24 kynta ia ka Shiv Sena, ba kan thaw sorkar ha ka Jylla, hadien ba ka seng BJP, kaba ioh 105 ngut ki dkhot, kam lah satia ban thaw sorkar, naduh ba la mih result ha ka 24tarik Risaw 2019. Ka jing ai por jong U Lat, ka kut ha ka por 7.30 mynta ka janmiet.

Kham mynshwa, U Arvind Sawant, uba dei u dkhot ba marwei jong ka Sena, uba dei ruh u myntri ha ka sorkar India, ula mih noh ialade, na ka kynhun myntri jong ka sorkar BJP ha Delhi, halor ka jingkynnoh ba ka BJP, ka la shet kylla ia ka Sena.