Ha ka elekshon GHADC, u shondur sahuh ialade, mynta, um don dawai covid,pynrem ka HITO, ia U Conrad

Shillong:Ka Hynñiew trep Integrated Territorial Organization, ka sngew khia jur, halor ka rai jong ka sorkar Meghalaya, ba kan nym lah ban ai injek ia ka khlam covid, ia kiba 18 haduh 44 snem, kaba sdang naduh ka 1tarik Jymmang 2021.

Katei ka sen, ka ong ba ka jing bym lah jong ka sorkar jylla, ka pyni shai namarkata, ba ka dei ka jingtlot jong U Conrad K Sangma, kum u nongialam jong ka sorkar.
La ong shuh shuh ba ha ka por, ba kane ka khlam ka dang sdang trei jur bha, U Sangma, u bunkam ban leit kanbas elekshon sha Garo hills, ha kaba u shah shondur sahuh ialade, hynrei, mynta, haba ka jylla, ka donkam ia u, u rieh tngen ialade ha ka sorkar India bad ha ka Serum Institute of India. Katei ka seng, ka ong ba lada U Sangma, um lah ban shim khia kane ka kam, ula dei ban hiar shuki noh bad ailad ia kiwei pat.

Katei ka seng, ka ong shuh shuh ba U Conrad, u dei ban shim khia ia kane ka kam bad ba um dei ban shaniah nadong shadong, tang ha ka jingiarap ka Delhi.